+12 °С
Ямғыр
Бөтә яңылыҡтар
Һаулыҡ һаҡлау
24 Декабрь 2019, 14:10
Аспирин рак сирен булдырмаҫҡа ярҙам итә
Америка ғалимдары аспириндың ракка ҡаршы сара булыуын иҫбатлаған, тип яҙа “Коммерсант” гәзите. Белгестәр әйтеүенсә, аспирин барлыҡ яман шеш төрҙәренең барлыҡҡа килеүен 15 процентҡа ҡыҫҡарта.
Аспиринды аҙ миҡдарҙа даими эсеү үлем осраҡтарын 19 процентҡа кәметә, ти ғалимдар. Бигерәк тә кәүҙә ауырлығынан ыҙа сигеүселәр өсөн гастроэнтералогия һәм колоректаль шештәрен булдырмаҫҡа аспирин эсергә кәңәш итә сит ил профессорҙары. Аспирин иммунотерапияның һөҙөмтәһен арттыра, лейкемияға ҡаршы үҙаллы көрәшә, химия терапияһынан һуң тере ҡалыу шансын 15-20 процентҡа арттыра.
Әйткәндәй, оҙаҡ ваҡыт йәшәп килгән, тромбтар булдырмаҫ өсөн аспирин эсеү файҙалы, тигән фекерҙе донъя кардиологтары хәҙер инҡар итә. Аспирин эсеү арҡаһында ҡанды туҡтата алмайынса яҡты донъя менән хушлашыу осраҡтары, йөрәк патологияһынан аспирин эсмәйенсә вафат булыуға ҡарағанда, юғарыраҡ, баҡһаң.
Эрик Джейкоб исемле ғалим, аспириндың онкологияға ҡаршы механизмын былай тип аңлата. Дарыу тромбоциттар әүҙемлеген кәметә. Ә тромбоциттар, билдәле булыуынса, шештең үҫешенә файҙалы матдәләрҙе ҡанға сығара. Бынан тыш, тромбоциттар яман шеш материалдарын организм буйлап ҡыуып йөрөтә һәм метастазалар барлыҡҡа килеүгә булышлыҡ итә.
Шулай уҡ нормаль кәүҙә ауырлығы, тәмәкенән баш тартыу, ҡыҙыл ит һәм ит продукттарын аҙыраҡ ҡулланыу ҙа ракты булдырмаҫҡа ярҙам итеүен онотмағыҙ.
Был яҙманы уҡығас, күпләп аспирин эсергә тотонмағыҙ, ә терапевтан һеҙгә был дарыу яраймы-юҡмы икәнлеге хаҡында кәңәш һорағыҙ.
Фото: социаль селтәрҙәр.
Читайте нас:
© 2020-2024 Сайт издания "Стәрлебаш шишмәләре"
Газета зарегистрирована (ПИ №ТУ 02-01461 от 05.10.2015 г.) в Управлении Федеральной службы по надзору в сфере связи, информационных технологий и массовых коммуникаций по Республике Башкортостан.
УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».
Телефон
8 (34739) 22356
Электрон почта
Адресы
453830, Республика Башкортостан, c. Стерлибашево,ул. Карла Маркса, 102.
Реклама хеҙмәте
8 (34739) 22354
Редакция
8 (34739) 22353
Ҡабул итеү бүлмәһе
8 (34739) 22353
Хеҙмәттәшлек
8 (34739) 22378
Кадрҙар бүлеге
8 (34739) 22354