Стэрлебаш шишмэлере
-6 °С
Болотло
Бөтә яңылыҡтар
Һаулыҡ һаҡлау
22 Декабрь 2019, 12:10

Ауырыу ниндәй эҙемтәләргә килтереүе мөмкин?

Ҡыш ауырыуҙарҙың көсәйгән мәле. ОРВИ – киҫкен респираторлы-вируслы инфекция. Уның нигеҙендә ялҡынһыныу ята. Ул иһә тын алыу системаһына вирустарҙың үтеп инеүе арҡаһында барлыҡҡа килә.

Һөҙөмтәлә температура күтәрелә, баш, тамаҡ, мускулдар ауырта, танау тона. Күптәр быға артыҡ иғтибар итмәй, ауырыуҙы аяҡ өҫтө генә йөрөп үткәрергә тырыша. Әммә был хәүефле, сөнки төрлө өҙлөгөүҙәргә килтереүе ихтимал.

Нимә ул өҙлөгөү?

Өҙлөгөү – ауырыуҙы ваҡытында дауалай башламағанда йәки дауалап бөтмәгәндә барлыҡҡа килгән паталогия. Кире эҙемтәләр бер нисә фактор арҡаһында барлыҡҡа килә.

  • Дауалау процесын йәки режимын боҙоуҙан.
  • Сирҙе һанға һуҡмауҙан. Үтеп китер әле тип, ваҡытында дауаланыуҙы башламауҙан.
  • Үҙ аллы дауаланыуҙан йәки дөрөҫ тәғәйенләнмәгән дауалауҙан.
  • Саҡ ҡына хәл яҡшырыу менән дарыуҙарҙы эсеүҙе туҡтатыуҙан.
  • Иммун системаһының үтә ныҡ ҡаҡшауынан һ.б.

    • ОРВИ-нан килеп тыуған өҙөлөгөүҙәр бик насар эҙемтәләргә килтереүе ихтимал. Кеше үҙе лә белмәҫтән ғүмерен хәүеф аҫтына ҡуя. Вируслы инфекциялар ниндәй өҙлөгөүҙәргә килтереүе мөмкин һуң? Уларҙы ике төркөмгә бүлергә була:

    1.Респираторлы органдарҙың ауырыуҙары.

    2.Эске органдар ауырыуҙары.

    ОРВИ-нан һуң барлыҡҡа килгән өҙлөгөүҙәр ололарҙа ла, балаларҙа ла күберәк тын алыу системаһына ҡағыла. Уларға түбәндәгеләрҙе индерергә мөмкин:

    1. Тонзиллит.Халыҡта уны “ангина” тип йөрөтәләр. Ауырыу һыуыҡ һауаны һулағанда тамаҡҡа һалҡын тейеүҙән һәм бактерияларҙың әүҙемләшеүенән барлыҡҡа килә. Һөҙөмтәлә температура 39 – 40 градусҡа тиклем күтәрелә, тамаҡ ауырта, йотоуы һәм һөйләшеүе ауырлаша, тауыш юғалыуы мөмкин. Өҫтәүенә, ангина миокардит, пиелонефрит һәм ревматизм кеүек тағы ла ауырыраҡ эҙемтәләргә килтереүе бар.
    2. Гайморит менән синусит. ОРВИ ваҡытында ныҡ баш ауыртып, күҙ баҫымы күтәрелеп, тәм тойоу һәләте юғала икән, борсолорға урын бар – гайморит үҫешеүе мөмкин.

      3. Синусит иһә ялҡынһыныуҙың ҡолаҡҡа, күҙгә һәм мейегә күсеү ҡурҡынысы менән хәүефле. Әйткәндәй, синусит булғанда тымау булмауы мөмкин, бөтә лайла танауҙың эске ҡатламдарында йыйылып, барлыҡҡа килгән тығындан тышҡа сыға алмай.

      1. Тын алыу системаһының аҫҡы өлөшөндә, бронхит һәм пневмония рәүешендә барған ялҡынһыныу процесы. Ауырығандан һуң йүтәл тағы ла ике-өс аҙна дауам итеүе бар. Бронхтарҙан сыҡҡан ҡаҡырыҡ йүнәлеү тураһында һөйләй. Әгәр ҙә был процесс юҡ икән, йәки ҡан һәм эрен ҡатын ҡаҡырыҡ сыҡһа, мотлаҡ табипҡа күренергә кәрәк.
      2. Ринит йәки ринофарингит. Был ауырыуҙар танау ҡыуышлығындағы һәм йотҡолоҡтағы ялҡынһыныу процестары тураһында һөйләй. Уларға иртәнге рәттә танау тоноу, йүтәл хас.

        3. Фото: В контакте.

        Яңылыҡ авторы: Сажиҙә Лотфуллина
        https://yeshlek.rbsmi.ru/articles/ya-yly-tar-ta-ma-y-netu/Auiriu-nind-y-e-emt-l-rg-kiltere-e-m-mkin-46887/
        Читайте нас:

        © 2020-2024 Сайт издания "Стәрлебаш шишмәләре"

        Газета зарегистрирована (ПИ №ТУ 02-01461 от 05.10.2015 г.) в Управлении Федеральной службы по надзору в сфере связи, информационных технологий и массовых коммуникаций по Республике Башкортостан.
        УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».
        Телефон
        8 (34739) 22356
        Электрон почта
        Адресы
        453830, Республика Башкортостан, c. Стерлибашево,ул. Карла Маркса, 102.
        Реклама хеҙмәте
        8 (34739) 22354
        Редакция
        8 (34739) 22353
        Ҡабул итеү бүлмәһе
        8 (34739) 22353
        Хеҙмәттәшлек
        8 (34739) 22378
        Кадрҙар бүлеге
        8 (34739) 22354
        Яндекс.Метрика