Бөтә яңылыҡтар
Һаулыҡ һаҡлау
30 Ноябрь 2019, 23:05

Табиптар кәрәк

Күптән түгел Дәүләт Йыйылышы – Ҡоролтайҙың сираттағы пленар ултырышында Һаулыҡ һаҡлау өлкәһен күҙәтеү буйынса федераль хеҙмәттең Башҡортостан буйынса төбәк органы етәксеһе Динара Ғәшимова ошо коллективтың 2017 – 2019 йылдарҙағы эшмәкәрлеге тураһындағы отчет менән сығыш яһаны.

“Республикала 274 фельдшер-акушерлыҡ пункты бар, был – Рәсәй төбәктәре араһында иң юғары күрһәткес, тип әйтергә мөмкин. 117 медпунктта ошо урынға беркетелгән медицина хеҙмәткәре юҡ, 88 пункт икенсе бер ойошмалағы медицина хеҙмәткәренең ярҙамсы эш урыны булып тора. Бынан тыш, күпселек ФАП-тарҙы кәрәкле ҡорамалдар менән тәьмин итеү мәсьәләһе ҡырҡыу тора. Әгәр ҙә көндәлек йыһаздар ҙа етешмәй икән, дауаның яҡшы һөҙөмтә биреүенә өлгәшеү бик ҡыйын”, – тине ведомство етәксеһе.

Тикшереүҙәр шулай уҡ оло йәштәгеләргә диспансеризация үткәреүҙә лә етешһеҙлектәр булыуын асыҡлаған. Был кәмселектәр сәбәпле йөрәк-ҡан тамырҙары һәм онкология сирҙәре таралыуына юл ҡуйыла. Айырыуса күсмә комплекстар ярҙамында үткәрелгән диспансеризация кимәленең түбән булыуы күҙәтелә.

Республика баҫмаларынан.
Читайте нас в