Бөтә яңылыҡтар
Һаулыҡ һаҡлау
13 Ноябрь 2019, 21:50

Халыҡ медицинаһынан бер шәлкем кәңәш (11.10.2019)

Быуындар һыҙлауынан Быяла шешәгә бер ҡуҙаҡ әсе ҡыҙыл борос һалырға һәм өҫтөнә 3/4 стакан нишатыр спирты ҡойорға. Ҡапҡасын ныҡ итеп ябып, ҡараңғы урында ике аҙна төнәтергә. Көн һайын бутап торорға онотмағыҙ. Әҙер булғас, ауыртҡан урындарҙы ыуырға мөмкин.

Күрем ауырттырып килгәндә
Бер ҡалаҡ ваҡланған петрушкаға бер стакан ҡайнар һыу ҡойоп, төнәтергә. Һуңынан һөҙөп, бер-ике ҡалаҡ бал өҫтәргә һәм сәй урынына эсергә.

Ревматизмдан, артриттан, подагранан, радикулиттан
Гәрсис онтағына 70 процентлы спирт ҡойоп, ике аҙна ҡараңғы урында төнәтергә һәм ауыртҡан урынды ыуырға. Шулай уҡ бер үк күләмдә гәрсис онтағы, он һәм һыу алып, ҡамыр баҫырға мөмкин. Шунан йәймә йәйеп, горчичник урынына ҡулланырға.

Теш һыҙлағанда
Бер үк күләмдә һарымһаҡ, һуған һәм тоҙ алырға. Һарымһаҡ менән һуғанды иҙеп, тоҙ ҡушып, бутҡа әҙерләргә. Уны тештең төбөнә һалырға һәм мамыҡ менән ҡапларға.
Юғары ҡан баҫымын төшөрөү өсөн
✔ Биш ҡалаҡ ҡарағай ылы­ҫына ике ҡалаҡ гөл­йемеш емеше һәм ике ҡалаҡ һуған ҡабығы ҡушып, бер литр һалҡын һыу ҡойорға һәм ҡайнатып сығарып, талғын утта 10 минут тоторға. Тон­ғас, һөҙөп, бер аҙ һыу ҡушырға мөмкин. Ошо төнәт­мәне ике көндә эсеп бөтөргә. Дауаланыу курсы – дүрт ай. Биш көндән һуң баш ауыртыуы баҫылыр, ә бер айҙан табип тәғәйенләгән дарыу­ҙарҙан баш тартырға була. Өҫтәүенә, был төнәтмә эсәктәрҙе һәм бауырҙы таҙартырға ярҙам итә.
✔ 100 г һарымһаҡты ит үт­кәргес аша үткәреп, һоро төҫтәге шешәгә һалырға һәм өҫтөнә 100 г араҡы ҡойоп, ҡараңғы урында 10 көн төнәтергә. Һөҙөп, дарыухананан алынған прополис төнәт­мәһен һәм бал ҡушып бутарға. Бәлзәмде һыуытҡыста һаҡ­ларға. Ас ҡарынға көнөнә ике-өс тапҡыр 50 г һөткә йә кефир­ға ҡушып, берәр ҡалаҡ эсер­гә. Дауаланыу курсы – бер ай.
✔ Биш өлөш энәлек (боярышник) сәскәһе һәм еме­шенә 4 өлөш бәпембә тамыры, ҡандала үләне сәс­кәһе (донник), өс өлөш арыҫ­лан ҡойроғо (пустырник) ҡу­шып бутарға. Бер ҡалаҡ ошо үләндәр ҡатнашмаһына 0,5 л ҡайнар һыу ҡойоп, ярты сәғәт төнәтергә. Әҙер булғас, һөҙөп, ике-өс көндә эсеп бөтөргә. Ашарҙан ярты сәғәт алда ас ҡарынға эсергә ҡушыла. Дауаланыу курсы – бер ай. Бер аҙна ял итеп алғас, дауаланыу курсын тағы ҡабатларға мөмкин.
Был дауалау ысулдары ҡан тамырҙарын таҙартырға, ҡан баҫымын, холестерин кимәлен төшөрөргә, стенокардияны дауаларға, инфаркт һәм инсультты иҫкәртергә булышлыҡ итә.

Быуындар һыҙлауынан
Фикус гөлөнөң ике япрағын ваҡ итеп турап, ярты литр нишатыр спиртына һалырға һәм ҡапҡасын ныҡ итеп ябырға. Бер аҙна ҡараңғы урында тотҡандан һуң һыҙлаған быуын­дарға һөртөргә мөмкин.

Йүтәлдән
Бер стакан ҡайнар һөткә бер балғалаҡ аҡ май, бер балғалаҡ какао, бер йомортҡа һарыһы, бер балғалаҡ бал ҡушып бутарға. Көнөнә өс тапҡыр берәр балғалаҡ ҡулланыу ҙа етә. Өҫтәүенә, ул мейе өсөн дә бик яҡшы.
Диабеттан һәм холестериндан
Ҡабаҡтың файҙалы үҙенсәлектәре күп. Шул иҫәптән ҡандағы шәкәр һәм холестерин кимәлен төшөрә. 100 г ҡабығынан таҙартылған ҡабаҡты ҙур булмаған киҫәктәргә турап, блендерға һалырға һәм ярты стакан таҙа һыу ҡойоп, иҙергә. Эсемлекте көн һайын ашарҙан ярты сәғәт алда ас ҡарынға 250 г эсергә. Бер айҙан һөҙөмтәһен үҙегеҙ күрерһегеҙ.
https://yeshlek.rbsmi.ru/articles/zd/khaly-meditsina-ynan-ber-sh-lkem-k-sh-18-10-2019/
Читайте нас в