“Беҙ 100 кешене ҡотҡарып ҡалғанбыҙ”, – тине Радий Фәрит улы

Башҡортостан Башлығы вазифаһын ваҡытлыса башҡарыусы Радий Хәбиров алып барған бөгөнгө Хөкүмәт кәңәшмәһендә этил спиртын, алкоголле һәм спиртлы эсемлектәр етештереү, һатыу буйынса законһыҙ эшмәкәрлекте туҡтатыу саралары тикшерелде.

Республиканың Ведомство-ара йәмәғәтселек хәүефһеҙлеге Советы секретары Алексей Касьяновтың сығышынан күренеүенсә, йылдың тәүге яртыһында суррогат алкоголь етештергән һигеҙ цехты япҡандар һәм 30 мең литрға яҡын легаль булмаған продукция тартып алынған.

Йәшертен һатыу итеүселәрҙең был тауары сифаты буйынса хәүефһеҙлек талаптарына яуап бирмәй. Тикшереүҙәр нигеҙендә 68 енәйәт эше ҡуҙғатылған.

Һөҙөмтәлә йылдың тәүге ете айында республикала алкоголь менән ағыуланғандар һаны 100 мең кешегә ҡарата 24,4-тән 19,3-кә саҡлы кәмене. Ә ошондай ағыуланыу арҡаһында үлеүселәр 212-нән 113 осраҡҡа тиклем аҙайҙы.

– Тимәк, беҙ 100 кешене ҡотҡарып ҡалғанбыҙ, – тине Радий Фәрит улы. – Әммә беҙҙе был йүнәлештә оҙайлы көрәш көтә. Дошман бик хәйләкәр, был бизнес бик ҙур табышлы. Алда эшләйһе күп әле.

Читайте нас:

Газета зарегистрирована (ПИ №ТУ 02-01461 от 05.10.2015 г.) в Управлении Федеральной службы по надзору в сфере связи, информационных технологий и массовых коммуникаций по Республике Башкортостан.

УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».

Телефон

8 (34739) 22356

Электрон почта

[email protected]

Адресы

453830, Республика Башкортостан, c. Стерлибашево,ул. Карла Маркса, 102.

Реклама хеҙмәте

8 (34739) 22354

Редакция

8 (34739) 22353

Ҡабул итеү бүлмәһе

8 (34739) 22353

Хеҙмәттәшлек

8 (34739) 22378

Кадрҙар бүлеге

8 (34739) 22354