Балаларҙың да тештәре һау булһын

Бала саҡта теште юғалтыу ғәҙәти хәл булыуы берәүгә лә сер түгел: спортта имгәнеү, әүҙем уйындар, кариес һ.б. Башҡортостанда ғына бер йәки унан күберәк даими тешен юғалтҡан мәктәп уҡыусылар һаны яҡынса 20 мең тирәһе! Шул уҡ ваҡытта уның эҙемтәләре етди: аҙыҡты сәйнәү сифаты кәмей, яңаҡ һөйәгендә атрофик процестар барлыҡҡа килә һәм эргәһендәге тештәр күсә. Улар эргәһендә патологик «кеҫә» барлыҡҡа килә, бында аҙыҡ йыйыла, тештәр һелкенә башлай. Дикция боҙола, биттең ассиметрияһы күҙәтелә. Психологик дискомфорт тураһында әйтеп тораһы ла түгел: бала рәхәтләнеп аралаша алмай. Әммә, «Витадент» Халыҡ-ара медицина концерны белгестәре ярҙамында хәҙер өлкәндәргә генә түгел, балаларға ла теште кире ҡуйыу мөмкинлеге бар. «Витадент» Халыҡ-ара медицина концернының генераль директоры, профессор Р.Ә.Хәсәнов менән әңгәмәбеҙ ошо хаҡта.

- Радмир Әнүәр улы, һүҙебеҙҙе зыян күргән балаға аныҡ ярҙам күрһәтеү миҫалынан башлайыҡ.

- Ярай. Бына шундай осраҡтарҙың береһе. Урамда уйнағанда һигеҙ йәшлек Булат яңылыш алғы тешен юғалта. Ул күренеп тора, шуға ла малайҙың әсәһенең бер нисә клиникаға мөрәжәғәт итеп, «теште кире ҡуйырға» тигән үтенесенә баш тарталар. Бер аҙнанан улы менән әсәһе беҙҙең клиникаға килә. Беҙ теште урынына ҡуйҙыҡ. Йыл ярымдан пациент ҡабул итеүгә килде: теш һәйбәт үҫеп киткән, эргәһендә шундай уҡ тигеҙ теш сыҡҡан.

Беҙҙең клиникаларҙың реплантациялау буйынса тәжрибәһе ҙур: яңынан ялғанған тештәр 20 һәм унан ашыу йыл хеҙмәт итә. Әммә был осраҡ үҙенсәлекле: миңә тәүге тапҡыр бер аҙна кеҫәлә йөрөткән теште ялғарға тура килде.

- Теште ниндәй срокта ялғарға мөмкин?

- Ни тиклем иртәрәк, шул тиклем яҡшыраҡ. Әгәр быны тәүлек эсендә эшләһәң тештең үҫеп китеү һәм уның функционаллеген һаҡлау ихтималлылығы ғәйәт ҙур. Төшкән теште балға һалырға һәм тиҙерәк стоматологҡа мөрәжәғәт итергә кәрәк.

- Стоматологтар проблеманы хәл итеү өсөн ниндәй ысулдар тәҡдим итә?

- Улар йә ошондай осраҡтарҙан баш тарта, йә алынмалы пластиналар тәҡдим итә. Әммә күпселек балалар уларҙы йөрөтмәй: улар уңайһыҙ һәм тотороҡһоҙ, яңаҡ үҫеү сәбәпле, уларҙы йылына ике тапҡыр алмаштырырға кәрәк.

Әммә стоматологтар нимәгәлер балалар денталь имплантацияһына ҙур һаҡлыҡ менән ҡарай: йәһәне, яңаҡ тулыһынса формалашҡансы ул ярамай. Әммә имплантация һөйәктең үҫеш зоналарын боҙа тигән төп дәлил нигеҙһеҙ: имплант юғалтҡан теш соҡорона ҡуйыла. Теш коронкаһы, тамырҙан айырмалы рәүештә, үҫмәй.

- Ә донъя практикаһы нимә һөйләй?

- Бөтә донъя һаулыҡ һаҡлау ойошмаһы тәҡдимдәренә ярашлы, балаларға, өлкәндәр өсөн ҡулланылған имплантацияларҙың барлыҡ төрҙәре ҡулай булырға тейеш. Әммә нескәлектәр ҙә бар: балалар импланттары конструктив үҙенсәлектәргә эйә. Беҙ ошондай өлгөләр эшләп, әлегә заказдарҙы Израилдә эшләтәбеҙ. Быйыл үҙебеҙҙә етештереү өсөн Рәсәй Федерацияһы Һаулыҡ һаҡлау министрлығы сертификатын ала алырбыҙ тип ышанам.

Балаларға имапланттарҙы бушлай ҡуябыҙ, күҙәтәбеҙ, консультация бирәбеҙ: был әлегә донъяла тәүге тәжрибә. Табип-стоматологтар балалар имплантацияһы темаһына ҡараштарын, ниһайәт, үҙгәртер, проблемаларға күҙҙәрен йоммай, уларҙы тиҙ арала хәл итер тип ышанам.

- Әңгәмәгеҙ өсөн рәхмәт, Радмир Әнүәр улы.

Рәйсә МУСИНА.

Читайте нас:

Газета зарегистрирована (ПИ №ТУ 02-01461 от 05.10.2015 г.) в Управлении Федеральной службы по надзору в сфере связи, информационных технологий и массовых коммуникаций по Республике Башкортостан.

УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».

Телефон

8 (34739) 22356

Электрон почта

[email protected]

Адресы

453830, Республика Башкортостан, c. Стерлибашево,ул. Карла Маркса, 102.

Реклама хеҙмәте

8 (34739) 22354

Редакция

8 (34739) 22353

Ҡабул итеү бүлмәһе

8 (34739) 22353

Хеҙмәттәшлек

8 (34739) 22378

Кадрҙар бүлеге

8 (34739) 22354