Йондоҙҙар менән зарядка!

Кисә беҙҙең район «БЕРҘӘМ РӘСӘЙ» партияһы тарафдарҙарының төбәк советы проекты сиктәрендә ойоштролоған «Йондоҙ менән зарядка» төбәк акцияһы эстафетаһында ҡатнашты. Акция республиканың барлыҡ муниципаль берәмектәрендә лә уҙғарыла. Ул Бөтә донъя Сәләмәтлек көнө хөрмәтенә 7 апрелдә Өфө ҡалаһында башлана. 18 июлдә беҙгә әлеге эстафетаны Мәләүез районы тапшырҙы, ә беҙҙең Стәрлебаш футболсылар командаһы эстафетаны Стәрлетмаҡ районына тапшырасаҡ. Еңеүселәрҙе Өфө ҡалаһының ойоштороу комитеты һайлай.

Шулай итеп, кесаҙна иртәһе район Мәҙәниәт йорто алдындағы майҙанда йәнле ине. Стәрлебаштар өсөн күңелле, хәрәкәтсән, музыкаль физик күнегеүҙәрҙе яҡташтарыбыҙ: Башҡортостан Республикаһының атҡаҙанған мәҙәниәт хеҙмәткәрҙәре Миңлеғәли Хөснөтдинов (һүрәттә), Инсаф Ғәлимов, Башҡортостан Республикаһы эстрада артистары Фәрзәлиә һәм Денис Ибраһимовтар үткәрҙе. Тәүҙә дәртле музыкаға күнегеүҙәрҙе район Мәҙәниәт йорто директоры Рафаэль Йосопов ойошторҙо.

Был көндө күтәренке кәйеф артынан сәләмәтлек майҙансығына төрлө йәштәге кешеләр, ойошма етәкселәренән алып, балалар баҡсалары кескәйҙәренә тиклем килде. Уларҙы сәләмәт йәшәү рәүешенә алып барған күңелле мөхит берләштерҙе. Барыһы ла хәрәкәттәрҙе берҙәм ҡабатлап, бихисап ыңғай тәьҫораттар алды, бер-береһенә ихлас йылмайҙы һәм ҡосаҡлашты. Бер кем дә ситтә ҡалманы. Көн эҫе булыуға ҡарамаҫтан, ҡатнашыусылар һикерҙе, ҡулдарын күтәреп, күнекмәләр яһаны һәм бейене.

Физкультура һәм спорт йәмғиәтебеҙ тормошонда мөһим роль уйнай. Әгәр йәштәр спорт ярыштарына күберәк йәлеп ителһә, тимәк, халҡыбыҙ сәләмәтлерәк һәм нығыраҡ буласаҡ. Тап ошондай маҡсат ҡуйған әлеге сараны ойоштороусылар.

Рәйлә ТАЙҒОНОВА.

А.ЗӘЙНЕТДИНОВ фотолары.

Читайте нас:

Газета зарегистрирована (ПИ №ТУ 02-01461 от 05.10.2015 г.) в Управлении Федеральной службы по надзору в сфере связи, информационных технологий и массовых коммуникаций по Республике Башкортостан.

УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».

Телефон

8 (34739) 22356

Электрон почта

[email protected]

Адресы

453830, Республика Башкортостан, c. Стерлибашево,ул. Карла Маркса, 102.

Реклама хеҙмәте

8 (34739) 22354

Редакция

8 (34739) 22353

Ҡабул итеү бүлмәһе

8 (34739) 22353

Хеҙмәттәшлек

8 (34739) 22378

Кадрҙар бүлеге

8 (34739) 22354