Бәхил бул, Шағир...

Билдәле шағир, публицист, әүҙем йәмәғәт эшмәкәре Муса Сиражи 1939 йылдың 1 февралендә ошо райондың Төпкилде ауылында тыуған. Ҡандралағы 2-се урта мәктәпте тамамлағас, ике йыл уҡытыусы булып эшләй. 1958 – 1963 йылдарҙа Башҡорт дәүләт университетының филология факультетында белем ала.

Буласаҡ шағир “Ҡыҙыл таң” гәзитендә, Башҡортостан “Китап” нәшриәтендә, Башҡортостан Яҙыусылар союзында эшләй, 1971 – 1973 йылдарҙа БДУ-ла уҡыта.

1963 йылда Муса Сиражиҙың “Осрашыу” тигән тәүге шиғри йыйынтығы донъя күрә. Һуңынан бер-бер артлы “Кем көслөрәк?”, “Ер яҙмышы”, “Мин ҙур инде” исемле китаптары нәшер ителә.

Шағирҙың шаҡтай күп шиғырына йырҙар яҙылған.

Мәрхүм менән хушлашыу, 15 сентябрҙә, Туймазы районының Төпкилде ауылында булды.

https://bash.rbsmi.ru/articles/-bi-t-m-m-ni-t/b-khil-bul-sha-ir-/